ضاع الحق نادر الأسيوطي

ضاع الحق كلمات نادر الأسيوطي

وضاع الحق يا بلدي

والفساد في كل مكان

الشريف بقي يهرب

والخاين ملكله ميدان

والصورة أهي انقلبت

وشوفنا البطل خيبان

والعادي صبح ثاير

وصاحب الحق بقي غلطان

والنخوة بقت تظهر

يوم منشوف فيها نسوان

وبيت الله ماله حرمة

والحرمة بألف آدان

وشوفنا الكدب يتصدق

والصادق مالوهش أمان

وآدي العنف والفوضي

رمز الثورة والعنوان

ومَلك الغول في اعلامنا

وسيطر علي الأبدان

وصار الكل يتكلم

مكشوف الكلام عريان

وصبح الفكر في شتايم

ومين دافع بقي متهان

يا إما تكون مع الهوجه

يا إما أنت م الخرفان

ياعالم فوقوا للعبة

هدفهم قسم الأوطان

شوفوا الصورة من بره

خيوطها مع لأمريكان

وعرايسهم بقوا جوه

جبهة بنو علمان

لكن برغم المحنة

ودي منحة من الرحمن

رغاوي الفكر يتبخر

ويبقي معدن الانسان

ويوم عن يوم بتتطهر

بلدنا م الطغيان

النار بتصقل المعدن

حكمة قالوها زمان

كلمات نادر الأسيوطي