هددوني كلمات نادر الأسيوطي
هددوني هددوني
أني مش حبقي المدير
لو مكنتش انكتم
وأبقي من ضمن الحمير
ارضي بالذل وشرابه
وأتركب زي البعير
وإني مرفعشي صوتي
طول ما فيه حبة شعير
طب يا عالم اتخرسنا
وانكتم فينا الزفير
والمرار والذل طافح
والوزير سرق الشعير
بس مش حقدر أخبي
حزن قلبي المرير
ايوه مش حنسي اليتامي
واللي عاجز في السرير
واللي شال شهيد يعالجه
سبقه لنفس المصير
ايوه مش حكتم دموعي
ايوه مش حلغي الضمير
طب حقولها كلمة واحدة
وتكالي علي القدير
بكرامتي مش حضحي
حتي لو كنت الوزير
كلمات نادر الأسيوطي
ليست هناك تعليقات:
إرسال تعليق