كله بيحتفل بالأم نادر الأسيوطي

كله بيحتفل بالأم كلمات نادر الأسيوطي

كله بيحتفل بالأم

وناسي كتير في اوجاعهم

قلوب مجروحة شايله الهم

وقلوب فرحانة في وجاعهم

******

قلوب ناسية قلوب قاسية

قلوب بالخير صحيح دافية

قلوب تقتل قلوب تأسر

قلوب ضحت بأغلى الدم

وكله بحتفل بالأم

وناسي كتير في أوجاعهم

*****

رعينا الشكل والتقليد

نسينا الشرع والتقاليد

وكل يوم وجعنا يزيد

تحل الميه مجري الدم

كله بيحتفل بالأم

وناسي كتير في اوجاعهم

*****

ودي هدية في يوم وخلاص

ودي بوسة وفوق الراس

وباقي العمر راح لاخلاص

نسينا النسل اصله الدم

كله بيحتفل بالأم

وناسي كتير في اوجاعهم

*****

دنيا نسينا فيها اليوم

واحلامنا طواها النوم

 حتي الحلم فيه ما يدوم

لثواني وبقيته هم

كله بيحتفل بالأم

وناسي كتير في اوجاعهم

******

يله نرجع الاحساس

ونزرع خير في قلب الناس

ونمحي القسوة والوسواس

وترجع الأمة لحضن الأم

كلمات نادر الأسيوطي

تسلم الموزة دي (فيفي عبده) نادر الأسيوطي

ههههههههه تسلم الموزة دي كلمات نادر الأسيوطي

بمناسبة فوز فيفي عبده بجائزة الأم المثالية

تسلم الموزة دي

اللي بترقص ليلاتي

تسلم الموزة اللي جاية

تحكي للناس هيه مين

هي الأم المثالية

غلبت حتي الهام شاهين

تسلم الموزة دي

اللي بترقص ليلاتي

افتحوا كباريه في ريحنا

رقصوا الناس السكرانين

اسألوا صافي ودينا

فيفي عبده تبقي مين؟

تبقي ساميه ولا زينا

ولا أم الرقصين

تسلم يا اللي نقطتها

 و سندتها لغاية بيتها

 و الموزة لازم نسندها

بأحلي نقوووووووووط

تسلم يا اللي رفعت جيبتها

قالعتها ولبست بدلتها

والجايزة أهي أخدتها

بعلو الصووووووت

تسلم الموزة دي

اللي بترقص ليلاتي

تسلم البطن اللي شالت وسط استيك م الجديد

خلي كله رقص معاها بالنقوط وهو سعيد

أم مين دي غير أم اربعه واربعين

تسلم الموزة دي

اللي بترقص ليلاتي

الف ميت مليون تحيه

للشارب كالغريق

أدي الأم المثالية

بالعند في الأبن العنيد

كلمات نادر الأسيوطي

راجعين نادر الأسيوطي

راجعين نادر الأسيوطي

راجعين للمبة الجاز

والفرن حطب مش غاز

ورياضة المشي الصحي

والراديو آخر انجاز

=========

اربط واتقشف وانشف

المرة الجاية ح تنضف

وأنا وضعي خارج الموقف

البيت محتاج لقزاز

راجعين للمبة الجاز

=========

اسعار والدنيا في نار

والعقل فصل واحتار

والجد قلب بهزار

والبركة في التلفاز

راجعين للمبة الجاز

======

الباشا في التكيف

والأكل كمان عل الكيف

والكلب يأكل بولوبيف

والمصري بالحاف فاز

راجعين للمبة الجاز

===========

راضين بالعيشة الحاف

والبرد غطا ولحاف

طب نخلص م الشواف

لو فردي أو بجهاز

راجعين للمبة الجاز

كلمات نادر الأسيوطي

التحرش نادر الأسيوطي

التحرش "شعر نادر الأسيوطي"

التحرش التحرش

إصحي يا ابني

وأوعي تهرش

بنت الجيران

بتاكل لبان

صاحبك جعان

عايز يفرفش

وواحده حلوه

سَمّتها سلوه

لبسها بلوه

وشعر منعكش

وواحده ماشيه

وراها حاشيه

لا فيها خشيه

وكله بيعكش

ظاهره جديده

لكن غريبه

وتبقي عيبه

اخلاقنا فركش

وينك يا بويه

لما أخويه

عاكس وليه

خليته يطفش

وينك يا أمي

خليتي عمي

سيَّحلي دمي

خلاه يطرطش

اسلامنا فينه

بعدنا عنه

وقلنا إنه

عقد محلّش

يا ناسنا فوقوا

للتقوي دوقوا

إبنك وذوقه

عمره ما يرمش

دينك ودينا

يا صحبي ديِّنا

علّمنا إنا

للنخوه ننبش

لأجل خوتنا

وكمان بناتنا

دا هُمه ذاتنا

من غير ما غش

ّّشعر نادر الأسيوطي

مدونتي "شاعر القرية" علي ايلاف تم سرقتها

مدونتي "شاعر القرية" والتي سجلتها علي مدونات ايلاف والتي سجلت فيها ما يزيد عن 182 قصيدة وأغنية قد تم الاستيلاء عليها وحذف اسمي من عليها ولكن الغريب في الأمر أن قصائدي ما زالت موجودة عليها وبإسمي فهل هناك خطأ معين أدي بي إلي فقدانها أم أن المدعو فيصل مسعود هو من قام بالاستيلاء عليها وهل يا تري سوف ينسب القصائد التي قمت بتأليفها إلي نفسه؟ علما بأنني قد سجلت هذه القصائد وتم طباعتها في كتابين هما (مصر النور) و(كروان حيران) وكلا الكتابين مسجلان في دار الكتب بأرقام ايداع رسمية فهل أطمع في عودة مدونتي خصوصا أن عدد زوارها قد نما لما يزيد عن 30ألف زائر وذلك منذ فترة طويلة فما بالك الآن كل ما اصبوا اليه ان استطيع استرجاعها لأستكمال تدويناتي فيها
http://elaphblogs.com/faycel.html

حكاية هداية

حكاية هدايه"شعر نادر الأسيوطي"

نبدأ الكلام

بالصلاه والسلام

علي نبينا محمد

هوه خير الأنام

**********

ونبتدي الحكايه

والقصه والروايه

حكاية بنت حلوه

واسمها هدايه

************

راحت رحله حلوه

مع ابلتها سلوه

وأخوتها الطالبات

لكن وقعت في بلوه

***********

لف الكل وشاف

في رحلة استكشاف

مناطق اثريه

مترامية الأطراف

************

كانت حته مهجوره

وبعيده ومعزوله

كل طالبه كانت

في صحبة  مجموعه

**********

لكن هدايه منهم

بعدت شويه عنهم

كان همها الكتابه

والآثار وبيانهم

**********

لكن بعد ساعات

ركبت الطالبات

كله جاهز تمام

للعوده للبيوت

******

لكن نسوا هدايه

أصلا من البدايه

فاتوها في مكانها

وتظهر الخبايه

********

لفّت يا عيني درات

وتاهت واحتارت

نادت بأعلي صوتها

لكن رحلتها سارت

**********

فكرت حبه شويه

وقالت أمشي للقريه

ألاقي وسيلة سفر

أرجع مره تانيه

**********

وبعد مشي كتير

لقت كوخ صغير

طرقت هدايه بابه

يمكن تلاقي غفير

*********

طلع شاب جَميل

طلبت منه جِميل

أنه يوصلها هوه

بادرها بحل بديل

**********

تدخل تبات عنده

ومتخاف ابدا منه

والصباح رباح

يصرفها اللي خلقه

*********

نامت بعيد تتابعه

وهو بيحرق صوابعه

صاحيه هيه ما نامت

خايفه مرعوبه منه

**********

ظل علي دا الحال

يحرق صوابعه عمال

صوبع ورا صوبع

جنان علي استهبال

********

وفي الصباح خدها

وصلها لحد بيتها

حكت الحكايه لبوها

وما كنش مصدقها

***********

راح الأب لخليل

علي انه عابر سبيل

لقي صوابعه محروقه

عرف انه نبيل

**********

سأله علي الحكايه

وايه قصة هدايه

قاله خليل القصه

كلها من البدايه

*********

نامت الشابه عندي

لكن الشيطان ما سبني

خفت اغضب ربي

قمت حرقت صوابعي

**********

خده الأب لهدايه

وجوزه لغايه

بدل الحرام ليله

يتمتع بيها للنهايه

شعر نادر الأسيوطي

عن قصه حقيقيهhttp://elaphblogs.com/blogger-articles/%D8%AB%D9%82%D9%80%D8%A7%D9%81%D8%A7%D8%AA%20%D9%88%D8%A2%D8%AF%D8%A7%D8%A8-4861-3/page_13.html

عليه العوض نادر الأسيوطي

عليه العوض

ومنه العوض

ركبنا المرض

وحيلنا انقرض

تقولي الصبر

أقولك مضض

 تقولي الفرج

اقولك خرج

وزاد العوج

وزاد الحوج

بطول الأرض

مشاكل سرد

وزمم صرد

مسافر طرد

وراجع في طرد

ما نال الغرض

كلمات نادر الأسيوطي

الحب نادر الأسيوطي

الحب"شعر نادر الأسيوطي

الحب يرق المشاعر

ويطهر النفوس

ويخلي الشخص شاعر

ما يدور علي الفلوس

************

تبقي بالحب طاير

في سما المحبوب

واخد شكل دواير

لا بيهدي ولا بيتوب

************

الحب له سلطان

يتملك ويسيطر

ما يقدره الجان

ولا حتي قدر عنتر

***********

الحب دا مكتوب

علينا ومتقدر

فيه القلب يدوب

يحن ويتأثر

**************

حب العباد مرغوب

بس حب الله أسمي

هوه الدوا للقلوب

وحبه له معني

شعر نادر الأسيوطي

اسقيني نادر الأسيوطي

"اسقيني" شعر نادر الأسيوطي

إسقيني واشرب من آني

إسقيني وأنا أقولك تاني

إسقيني وإملالي حبيبي الأناني

إسقيني ما تكون يا حبيبي أناني

******

إسقيني وزع يا حبيبي كساتك

إسقيني ونسيني حبيبي آساتك

إسقيني وزود عطشان وحياتك

إسقيني وزود يا حبيبي تاني

*******

إسقيني وارويني بحبك محبوبي

إسقيني ما تقولي حبيبي توبي

إسقيني وألبسلي حبيبي توبي

إسقيني وارجع يا حبيبي تاني

*******

إسقيني واغسلي حبيبي قلبي

إسقيني وقرب قلبك من قلبي

إسقيني وزود أوهب لك قلبي

إسقيني وإملالي حبيبي آني

**********

إسقيني واهرب من قلبك ليه

إسقيني وحافظ علي نفسك بيه

إسقيني وزود يا حبيبي شويه

إسقيني عطشان يا حبيبي تاني

******

إسقيني وحاذر يا حبيبي من عندي

إسقيني وأوعي تقولي ما عندي

إسقيني دا انت أغلي ما عندي

إسقيني حبك يا حبيبي باني

شعر نادر الأسيوطي

حبي وحبه نادر الأسيوطي

حبي وحبه شعر نادر الأسيوطي

وفٌي وكفٌي الحب خلاص

أنا وحبيبي علي طول إخلاص

حبي وحبه دا ضد رصاص

ضد حسود دايما بصاص

******

حبي لحبه مدد علي طول

أصل دا حبي لقلبه رسول

أنته منايا وكل ما انول

رشفه ولهفه هيام علي طول

**********

حبي وحبه روحين في حياه

ضد مشاكل ضد الآه

أبداعمري ما أقول أسلاه

أصله دا توأم روحي أهواه

********

حبي وحبه حولو وحوش

يفرقو بينا لا مطلوش

كل حيلهم جات في فاشوش

حبنا أصلي مش مغشوش

شعر نادر الأسيوطي

صحيت من النوم نادر الأسيوطي

صحيت م النوم

شعر نادر الأسيوطي

صحيت م النوم علي صورتك

عي صوتك

يناديني

حبيبي تعالي وديني

إلي فلكك

إلي قلبك

حبيبي ضمني لصدرك

علي صدرك

لقيت نفسي

وانا نفسي

أعيش جنبك

وأنا جنبك

بلاقي الدنيا دي ف يدي

وأنا في يدي

ماسك قلبي

خايف قلبي

يروح مني

إكمني

بحب الحب في صورتك

وملامحك

وف صوتك

صحيت م النوم علي صورتك

عي صوتك

يناديني

بدأت الدنيا من يومي

وأنا ف نومي

بشوف نفسي

واقف جنبك

قاعد جنبك

ماسك ايدك

برسم قلبي وقلبك

في أحضان كفك

زهور الدنيا بتنور

وتتدور

تشوف سحرك

يغير الورد من خدك

علي قدك

تيجان الفل والياسمين

اهم رايحين

بيتغازلوا ف جمال رسمك

وانا مقاسمك

ما انا ليه داخل يدك

قلب يدوب في حبك

وفي صورتك

صحيت م النوم علي صورتك

صحين ونمت من تاني

بحلم أشوفك في منامي

وأناني

صحيح قلبي

دا بيلبي

ندا حبي

وناسي الدنيا وما فيها

بأحزانها ومآسيها

كل ما فاكره هوه انته

ومن امته؟

قلبي تاه عن دربك

وأنا وربك

بحب الحب من كفك

ارويني

تلاقيني

نبتة حب وبتكبر

زهرة فل او عنبر

بتتلاقي عنقود اخضر

علي صدرك

بتتباهي بجمال حسنه

بتتباهي بحنين قلبك

بضمة ايدك لقلبك

صحيت من النوم علي صورتك

صحيت ورسمتلك صوره

علي القوره

تيجان الفل منثوره

رموش العين وجمالها

ما في مثلها

عيونك سود وقتلاني

سكينة حب سرقاني

خدودك أحلي م التفاح

أدوب فيهم مسا وصباح

وأنا سواح

وشبكني جدايل ليل

بتوق الويل

وقلبي عليل

في هواهم

وبهواهم

بيتهادو علي كتافك

ومقدافك

في الحياة قلبي

وقلبي يميل ويهواكي

وأهواكي

بحب الحب في صورتك

صحيت م النوم علي صورتك

صحيت لاقتني هيمان

وسرحان

بفكر مرة والتانية

وف ثانية

بعود سرحان

بسأل نفسي وف حيرة

أنا مجنون

بفكر فيها ف الثانية

شهور وقرون

أنا مجنون

ودي ليلي

لقتني برد علي نفسي

دا انا نفسي

أصير مجنون

دا انا مفتون

بسحر عيونك

ما في حل؟

والحل أصحي من نومي اشوف صورتك

صحيت م النوم علي صورتك

شعر نادر الأسيوطي